İsmayıllıda Milli Qurtuluş günü qeyd olunub

Tarix: 15-6-2015 // saat: 23:49

Təntənəli tədbirdə rayon mərkəzi xəstəxanası baş həkiminin müavini İsrayıl İsmayılov “Heydər Əliyev müasir Azərbaycanın xilaskarı və qurucusudur” mövzusunda məruzə etdi. İsmayıllı bələdiyyəsinin sədri Pərviz Ağayevin, Hacıhətəmli kənd tam orta məktəbinin direktoru Şahin Kərimovun, Tircan bələdiyyəsinin sədri Elnarə Əlizadənin, Təzəkənd kənd tam orta məktəbinin tarix müəllimi Hacalı Səlimovun çıxışları dinlənilib. Rayon İcra Hakimiyyəti başçısının müavini Sevil Əhmədova iştirakçıları və onların timsalında rayonun bütün əhalisini Milli Qurtuluş günü münasibətilə təbrik etdi.Daha sonra ümummilli lider Heydər Əliyevin Azərbaycan üçün, xalqımız üçün etdiklərindən,xilaskarlıq missiyasını necə böyük qəhrəmanlıqla, dönməz iradə ilə yerinə yetirdiyindən, hüquqi və demokratik əsaslarla yeni, müasir Azərbaycanı yaratdığından, millətini səadətə, xoşbəxtliyə qovuşdurmasından ətraflı danışdı. Qeyd etdi ki, Birinci Avropa Oyunlarının açılışı cənab Prezident İlham Əliyevin Heydər Əliyev yolunu fədakarlıqla, xalqına vurğunluqla, dəyanətlə, dönmədən davam etdirməsinin dünya miqyaslı sübutu oldu. Tədbirin sonu olaraq Heydər Əliyev Mərkəzinin foyesində ümummilli liderə həsr olunmuş, onun xoşladığı mahnı və şeirlər ifa edildi.

GÜNDƏLİK - Gündəm