Əmlak Məsələləri Dövlət Komitəsinin (ƏMDK) sədri Kərəm Həsənovun Qobustanda qəbul vaxı dəyişdirilib

Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq, Əmlak Məsələləri Dövlət Komitəsinin (ƏMDK) sədri Kərəm Həsənovun fevralın 19-da Qobustan rayonunda keçirəcəyi vətəndaş qəbulunun vaxtı dəyişdirilərək fevralın 27-nə keçirilib.
Komitədən AZƏRTAC-a bildirilib ki, Qobustan, Şamaxı, Ağsu rayonlarında yaşayan vətəndaşların qəbulu günündə yalnız komitənin fəaliyyət sahələrinə aid müraciətlərə baxılacaq.
Qəbula yazılmaq istəyən vətəndaşlar komitənin office@emdk.gov.az elektron ünvanına müraciət edə bilərlər. Eyni zamanda, Komitənin Aparatı: (012) 490 24 08 (daxili 105 və 349); Daşınmaz Əmlakın Dövlət Reyestri Xidmətinin 14 saylı ərazi idarəsi: 020-24 (5-29-93), 020-26 (5-01-08) nömrələri ilə əlaqə saxlamaq mümkündür.