Göyçay şəhərinə güclü yağış yağıb

Ötən axşamdan bu gün səhərədək yağan və güclü küləklə müşayiət olunan leysan yağış nəticəsində yaranan sel suları Göyçayda 15-ə yaxın evin zirzəmisinə dolub. Qarabaqqal, Ərəbcəbirli, Qarayazı, Şahsoltanlı və Yekəxana kəndlərində dağətəyi ərazidə yerləşən evləri su basıb. əkin sahələrinə ziyan dəyib.

Həmçinin, güclü külək səbəbindən bəzi yerlərdə ağaclar qırılaraq elektrik naqillərinin üzərinə düşüb, rayonunun 40-a yaxın kəndinə, eləcə də şəhərin bir çox hissəsinə gecə saatlarında enerji verilişi dayanıb.

Hazırda müraciətlərə baxılır, dəyən ziyanın aradan qaldırılması istiqamətində tədbirlər görülür.