Azərbaycan tarixinin və mədəniyyətinin bir parçası olan Qaraağacı qəbristanlığı Ağdam şəhərinin yaxınlığında yerləşir. Tarixi hadisələrin gedişatına nəzər saldıqda qəbristanlıq ən azı min ilin qəbristanlığıdır. Belə ki, Oğuzlar/Bayatlar, Səlcuqlular, Qıpçaqlar, Monqollar, Elxanilər, Çobanilər, Cəlairilər, Teymurilər, Qaraqoyunlular, Ağqoyunlular, Səfəvilər, Şahsevənlər, Əfşarlar, Qacarlar kimi Türk toplumlarının əksəriyyətinin Qarabağda qışladığını, hökmdar ailələrinin vəfat edən üzvlərinin əsasən Qaraağacı qəbristanlığında dəfn edildiyini görürük. 

Düz bir il öncə Gəgəli bələdiyyəsinə namizədliyimi verdim və camaatımın, ağsaqqallarımızın dəstəyi ilə seçildim. Seçimi çox bəyəndim. Demək olar ki, seçilən üzvlərin hamısı gənc və ali təhsilli idi. Bu məni çox sevindirirdi. Mən müəlliməm, insan yetişdirilməsi mənim əsas vəzifəmdir. İnsan yetişdirməyin müxtəlif yolları var. Amma gərək vasitələr də yerində olsun.